شعبہ ارضیات کے چار طلباء یو پی ایس سی کے امتحان میں کامیاب

علی گڑھ مسلم یونیورسٹی (اے ایم یو) کے شعبہ ارضیات کے چار طلباء نے یو پی ایس سی کے امتحان میں اعلی رینک حاصل کی ہے ان کو انڈین بیورو آف مائنز، وزارت معدنیات، حکومت ہند میں ”اسسٹنٹ مائننگ جیولوجسٹ“کے عہدہ کے لیے منتخب کیا گیا ہے جس میں محمد سلمان (آل انڈیا رینک-10)، مسعود عالم (آل انڈیا رینک-13)، اعجاز احمد خاں (آل انڈیا رینک-14) اور رضی اللہ خاں (آل انڈیا رینک-16) شامل ہیں۔AMU Students Qualified For UPSC Exam

علی گڑھ:یونین پبلک سروس کمیشن (یو پی ایس سی) کی جانب سے منعقدہ اس مقابلہ جاتی امتحان میں ہندوستان کے کل 19 طلباء و طالبات نے کامیابی حاصل کی ہے جس میں سے اے ایم یو شعبہ ارضیات کے چار طلباء بھی شامل ہیں جنہوں نے اعلیٰ رینک حاصل کی ہے۔ یہ مقابلہ جاتی امتحان گزشتہ برس یونین پبلک سروس کمیشن (یو پی ایس سی) میں منعقد کروایا تھا۔

صدر شعبہ ارضیات پروفیسر کنور فراہیم خاں نے بتایا کہ منتخب طلباء میں محمد سلمان (آل انڈیا رینک-10)، مسعود عالم (آل انڈیا رینک-13)، اعجاز احمد خاں (آل انڈیا رینک-14) اور رضی اللہ خاں (آل انڈیا رینک-16) شامل ہیں۔ انھوں نے کامیاب طلباء کو مبارکباد پیش کرتے ہوئے کہا ہماری ہمیشہ کوشش رہتی ہے کہ ہم طلباء کو بہتر سے بہتر تعلیمی ماحول اور مواد فراہم کریں تاکہ وہ اسی طرح یونیورسٹی اور ملک کا نام روشن کریں۔ طلباء کی اس کامیابی سے شعبہ اور یونیورسٹی کیمپس میں خوشی کا ماحول ہے۔

کامیابی حاصل کرنے والے طلباء نے بتایا مقابلہ آسان نہیں ہے لیکن اتنا بھی مشکل نہیں ہے کہ اس میں کامیابی حاصل نہیں کی جا سکے، اس میں داخل ہونے کے لئے پوسٹ گریجویشن (جیولوجی) چاہیے اور اگر طلباء گریجویشن اور پوسٹ گریجویٹ (جیولوجی) کے نساب کو اچھے سے لگن سے پڑھ لیتا ہے تو بآسانی کامیاب حاصل کی جا سکتی ہے کیونکہ ہمارے شعبہ کا نساب اس طرح کے مقابلے جاتی امتحانات میں کامیابی حاصل کرنے کے لئے بہت اچھا ہے۔

سوال کا جواب دیتے ہوئے انہوں نے بتایا یقینا یہ کامیاب شعبہ اور اس کے اساتذہ کے بنا ممکن نہیں ہے، شعبہ کے اساتذہ کی سرپرستی اور شعبہ کا تعلیمی ماحول میں ہمنے تیاری کی جس میں ہمارے والدین نے بھی ہم پر بھروسہ اور تعاون کیا تبھی ہم کامیاب ہو پائے ہیں۔