اقدام قتل کے چار ملزمین گرفتار

اترپردیش کے شہر نوئیڈا کے علاقہ میں پولیس نے اقدام قتل کے چار ملزمین کو گرفتار کرنے میں کامیابی حاصل کی ہے۔

نوئیڈا پولیس جرائم پر قابو پانے کی کوششوں میں مصروف عمل ہے۔اس تناظر میں گریٹر نوئیڈا کے تھانہ کاسنہ پولیس نے اقدام قتل کے الزام میں چار مطلوبہ ملزمین کی گرفتار کر کے بڑی کامیابی حاصل کی ہے۔

چاروں ملزمین سونو بھاٹی، ولد ہیمراج سنگھ ساکن ڈیبٹا پولیس اسٹیشن دنکور ضلع گوتم بودھ نگر، ستیندر بھاٹی،ولد وید رام ساکن ڈیبٹا تھانہ دنکور ضلع گوتم بودھ نگر شیوم سنگھ ولد تیجویر سنگھ رہائشی شاستری نگر ،تھانہ میڈیکل ،ضلع میرٹھ اور درگیش ولد رام چندر ،نگلہ تھانہ جسرانہ ضلع فیروزآباد کو ایٹویل ہوٹل قصبہ کاسنہ سے گرفتار کیا۔

ان کے قبضہ سے ایک ریوالور، چار زندہ کارتوس، چار موبائل فون جس میں تین آئی فون اور ایک سیمسنگ فون شامل ہیں۔دو کاریں ٹاٹا ہیرئیر اور فارچیونر کے ساتھ واردات میں استعمال ریوالور بھی ضبط کی گئی ہے۔

بتایا جا رہا ہے کہ ان کا مجرمانہ ریکارڈ رہا ہے اور ان کے خلاف مختلف دفعات کے تحت متعدد مقدمات درج ہیں ۔