خرید میں لاپرواہی کے خلاف کسانوں کا احتجاج

بارہ بنکی میں دھان کی خرید میں ہورہی لاپرواہی کے خلاف کسانوں نے انتظامیہ کے لاکھ دعوؤں کو مسترد کرتے ہوئے احتجاجی مظاہرہ اور نعرے بازی کی۔

ریاست اترپردیش کے شہر بارہ بنکی میں دھان خرید میں لاپرواہی کے معاملہ تھمنے کا نام نہیں لے رہا ہے، انتظامیہ کے لاکھ دعوں کے باوجود کسان یونین کا دعویٰ ہے کہ دھان خرید کے انتظام درست نہیں ہیں، اسی سلسلے میں کسان یونین کے کارکنان نے اپنے دھان کی فصل اپنے ساتھ رکھ کر احتجاج مظاہرہ کیا ہے۔

بارہ بنکی کے گنا دفتر میں صبح سے ہی کسان اپنے ٹریکٹر اور ٹرالیوں پر دھان لادکر پہونچنے، کسانوں نے گنا دفتر کے علاوہ کلکٹریٹ روڈ پر بھی ٹرالیاں کھڑی کر دیں، اس کے بعد میں کسانوں نے احتجاج کے دوران حکومت اور انتظامیہ کے خلاف نعرہ بازی کی۔

کسانوں کا مطالبہ ہے کہ دھان خرید مراکز پر اضافی تراضو لگاکر کسانوں کے دھان کو خریدا جائے، اور اس کی مناسب قیمت دی جائے۔

ان مطالبات کے ساتھ کسانوں نے کل نو نکاتی میمورنڈم ایس ڈی ایم کو سونپا ہے، کسانوں نے انتطامیہ کو الٹیمیٹم دیا ہے کہ اگر ان کے مطالبات پر غور نہیں کیا گیا تو وہ لکھنؤ پہنچ کر اپنا احتجاجی مظاہرہ کریں گے۔