اب تک اس شرح میں کوئی خاص اضافہ نہیں ہوا ہے۔ جنگلات کے رقبے کے معاملے میں یو پی کے کچھ اضلاع کا اوسط تو اور بھی خراب ہے۔
حالانکہ اترپردیش کے وزیر جنگلات کا دعویٰ ہے کہ اس میں بہتری لانے کے لئے خاص مہم شروع کی گئی ہے۔
اتر پردیش کا ملک گیر سطح پر فارسٹ کور ایریا اوسط 33 فیصد تھا تاہم، ریاست اتراکھنڈ کے قیام کے بعد یہ کم ہوکر صرف 6-7 فیصد رہ گیا ہے۔
اس اوسط میں بہتری کے لیے حکومت کی جانب سے کوئی پیش رفت نہیں کی گئی۔ یہی وجہ ہے کہ کچھ اضلاع میں یہ شرح 2 فیصد سے بھی کم ہو گئی ہے۔ ان اضلاع میں سب سے نچلے پائیدان پر ضلع مئو ہے۔
مئو ضلع میں شجرکاری کے ذریعہ بہتری لانے کی کوششیں کئی سماجی تنظیمیں کر رہی ہیں۔ سماجی کارکن دیہی علاقوں میں شجرکاری کی مہم چلا رہے ہیں۔
وزیر جنگلات دارا سنگھ چوہان جن کا تعلق بھی مئو ضلع سے ہے، کے مطابق کوششیں جاری ہیں۔
جنگلات کے اوسط میں بہتری کے سوال پر دارا سنگھ کا دعویٰ ہے کہ اس میں دو فیصد کا اضافہ ہوا ہے۔