کرکٹر محمد سمیع کی جانب سے راہگیروں کے لیے کھانے کا اسٹال

ریاست اترپردیش کے ضلع امروہہ میں بھارتی کرکٹ ٹیم کے تیز گیند باز محمد سمیع کی جانب سے عوام کی خدمت اور مہاجر مزدوروں کے لیے دلی روڈ پر کھانے کا اسٹال لگایا گیا ہے۔

محمد سمیع کی جانب سے لگائے گئے کھانے کے اسٹال سے راہگیروں اور وہ مسافر جو پیدل، بسوں یا دیگر سواریوں سے اپنے گھر کی جانب رواں دواں ہیں ان کے لیے کھانے کے پیکٹ پانی کی بوتل فراہم کی جا رہی ہے۔

اس کھانے کے اسٹال پر کارکنان صبح سے شام تک مسافروں کی خدمت کرتے ہیں، بسوں کو روک کر مسافروں کھانے کے پیکٹ اور دیگر چیزیں تقسیم کرتے ہیں۔

راہگیروں کے لیے کھانے کا اسٹال

اسٹال پر عوام کی خدمت پر معمور کارکنان کا کہنا ہے کہ 'جب سے لاک ڈاؤن ہوا ہے اسی دن سے محمد سمیع کی جانب سے ضرورتمندوں اور مسافروں کو کھانا تقسیم کیا جا رہا ہے اور جب تک لاک ڈاؤن جاری رہےگا تب تک اسی طرح سے مسافروں کو کھانا تقسیم ہوتا رہے گا۔