بارہ بنکی: مورتی وسرجن کے دوران 5 افراد ڈوبے، ایک لاش برآمد

پولیس سپرنٹینڈنٹ یمونا پرساد کے مطابق مسولی تھانہ حلقہ کے کلیانی دریہ پر واقع پپراگھاٹ پر نارائن پانڈے کا کنبہ گنیش کی مورتی وسرجن کے لئے گیا تھا۔ مورتی وسرجن کے دوران نارائن پانڈے کا پیر پھسل گیا اور وہ دریا میں ڈوب گئے۔

ریاست اتر پردیش کے بارہ بنکی میں اتوار کو ایک بڑا حادثہ پیش آیا۔ یہاں کے مسولی تھانہ حلقے میں گنیش کی مورتی وسرجن کے دوران ایک ہی کنبے کے پانچ افراد ڈوب گئے ہیں۔ ان میں سے ایک خاتون کی لاش برآمد کرلی گئی ہے۔

پولیس سپرنٹینڈنٹ یمونا پرساد کے مطابق مسولی تھانہ حلقہ کے کلیانی دریا پر واقع پپراگھاٹ پر نارائن پانڈے کا کنبہ گنیش کی مورتی وسرجن کے لئے گیا تھا۔

مورتی وسرجن کے دوران نارائن پانڈے کا پیر پھسل گیا اور وہ دریہ میں ڈوبنے لگے۔ ان کو بچانے کے لیے ان کے کنبے نلیش پٹوا (35)، منی پٹوا (55)، سورج پٹوا (18) نے دریہ میں چھلانگ لگا دی لیکن باہر نہیں آسکے۔

پولیس سپریٹینڈنٹ یمونا پرساد نے بتایا کہ 'پڑوسی دھرمیندر کشیپ نے بھی انہیں بچانے کی کوشش کی لیکن وہ بھی ڈوب گئے۔'

گاؤں والوں کی اطلاع پر غوتہ خور موقع پر پہونچے اور تمام افراد کی تلاش شروع کر دی۔ کافی گھنٹوں کی مشقت کے بعد منی پٹوا کی لاش برآمد ہوئی لیکن ابھی 4 افراد کا کوئی پتا نہیں چل سکا ہے۔

فی الحال پولیس موقع پر تمام افراد کی تلاش میں لگی ہے۔ پولیس کے اعلیٰ افسران بھی موقع پر موجود ہیں۔