بارہ بنکی: تیزآندھی و بارش میں پانچ افراد ہلاک

ریاست اترپردیش کے بارہ بنکی میں اتوار کو آئی تیز آندھی اور بارش میں پانچ افراد ہلاک ہو گئے۔ زیادہ تر حادثے کھیت میں کام کرنے والے کسانوں کے ساتھ پیش آئے ہیں۔ سبھی کی لاشوں کو پوسٹ مارٹم کے لئے بھیج دیا گیا ہے۔

بارہ بنکی میں اتوار کو تیز آندھی اور بارش نے ایک دفعہ پھر قہر برپا کیا ہے۔ اس کی وجہ سے پانچ افراد ہلاک ہوئے ہیں۔

پہلا حادثہ سفدرگنج تھانہ حلقے کے ڈمورا گاؤں کا ہے، یہاں کی پنکہا نام کی عورت آندھی پانی کے درمیان کھیت سے واپس گھر جا رہی تھی، اچانک اسی وقت ایک پیڑ بجلی کے کھمبھے پر گر گیا اور کھمبھا اس کے اوپر جا گرا، جس کی وجہ سے خاتون کی موت ہو گئی۔

دوسرا حادثہ سفدرگنج تھانہ حلقے کے کشونپور گاؤں کا ہے۔ یہاں کے 58 سالہ سیارام آندھی پانی کے درمیان اپنے کھیت سے واپس گھر لوٹ رہے تھے۔ اسی درمیان ان کے اوپر بھی پیڑ ٹوٹ کر گر گیا، جس سے اس کی موت ہوگئی۔

تیسرا حادثہ رام نگر تھانہ حلقہ کے اتکھرا گاؤں کا ہے، یہاں کی بھی شیو متی آندھی پانی کے درمیان گھر لوٹ رہی تھی، اسی وقت ان پر بھی پیڑ گر گیا۔ ہسپتال لے جاتے وقت خاتون کی موت ہو گئی۔

چوتھا حادثہ رام سنیہی گھاٹ کے ایٹہوا گاؤں کا ہے، یہاں اندریش کمار کے گھر کی دیوار آندھی پانی سے گر گئی، جس میں دب کر منگیش کماری کی موت ہو گئی۔

پانچوا حادثہ سفدر گنج تھانہ حلقے کے پلہری گاؤں کا ہے، یہاں کے 25 سالہ محمد سہیل گاڑی سے لوٹ رہے تھے کہ راستے میں اچانک ان پر پیڑ گر گیا، جس سے ان کی مو ت گئی۔