بس ٹرالی تصادم میں پانچ زخمی

ڈرائیور کو نیند آنے کی وجہ یہ حادثہ پیش آیا۔

اترپریش کے ضلع اوریا کے ارواکٹرا علاقے میں آگرہ۔لکھنؤ ایکسپریس وے پر دہلی سے بہار جارہی پرائیویٹ بس سڑک کنارے کھڑی ٹرالی سےٹکرا گئی۔

اس حادثے میں ڈرائیور سمیت پانچ افراد شدید طور سے زخمی ہوگئے۔پولیس سرکل افسر بدھونا مکیش پرتاپ سنگھ نے جمعرات کو بتایا کہ دوپہر تقریبا سوا یک بجے دہلی سے تقریبا 25سواریوں کو لے کر بہار جارہی نجی بس آگرہ۔لکھنؤایکسپریس وے پر گرام ہرنا گر پور کے نزدیک کھڑی ٹرالی سے ٹکرا گئی۔حادثے میں ڈرائیور سمیت پانچ افراد زخمی ہوگئے۔

انہوں نے بتایا کہ سبھی زخمیوں کو سورکھ کے کمیونٹی ہیلتھ سنٹر میں علاج کے لئے داخل کرایا گیا ہے۔ انہوں نے بتایا کہ ڈرائیور کو نیند آنے کی وجہ سے یہ حادثہ پیش آیا۔