میرٹھ: کورونا مریضوں کی موت کے بعد لاپرواہی برتنے والوں کے خلاف کارروائی کا حکم

مغربی اترپردیش کے ضلع میرٹھ میں ایک دن میں کورونا کے پانچ پازیٹیو مریضوں کی اموات سے ضلع انتظامیہ اور محکمہ صحت نے لاپرواہی برتنے والوں کے خلاف سخت کارروائی کیے جانے کی بات کہی ہے۔

میرٹھ میں ایک دن میں پانچ کورونا پازیٹیو مریضوں کی موت سے ضلع انتظامیہ، محکمہ صحت اور میڈیکل کالج انتظامیہ کی بے چینی بڑھ گئی ہے۔ کورونا مریضوں کی تعداد میں اضافہ کو ضلع انتظامیہ نے سنجیدگی سے لیتے ہوئے محکمہ صحت کو سخت ہدایات جاری کی ہیں اور لاپرواہی برتنے والوں کے خلاف کارروائی کا حکم بھی دیا ہے۔

کورونا انفیکشن اور اس سے ہو رہی اموات پر اب محکمہ صحت اور انتظامیہ کی جانب سے سخت اقدامات اٹھائے جا رہے ہیں۔ کورونا پوزیٹو مریضوں کی ہو رہی اموات پر لاپرواہی برتنے والے ڈاکٹر اور اسٹاف کے خلاف بھی سخت اقدامات اٹھانے کی بات کہی جا رہی ہے۔

کورونا سے ایک دن میں ہوئی پانچ موت پر لی گئی شروعاتی جانکاری کے مطابق مریض کے کووڈ کے ٹیسٹ کرانے اور نازک حالات میں مریض کو وقت پر ریفر کرنے میں پرائیویٹ ڈاکٹر اور نرسنگھ ہوم کی لاپرواہی سامنے آئی ہے جس کی وجہ سے اموات میں اضافہ ہوا ہے۔

میرٹھ میں ایک دن میں پانچ کورونا وائرس کے مریضوں کی اموات پر ریاستی حکومت کے ساتھ محکمہ صحت اور ضلع انتظامیہ بھی سنجیدگی سے لے رہا ہے، کیونکہ انفیکشن کو روکنے کے ساتھ ہی اس سے ہورہی اموات کو روکنا بھی بے حد ضروری ہے۔