ایودھیا: رام مندر ٹرسٹ کی پہلی میٹنگ

ریاست اتر پردیش کے شہر ایودھیا میں رام مندر ٹرسٹ کے قیام کے بعد مندر کی تعمیر کی تیاریاں تیز کر دی گئی ہیں اور اس سلسلے میں آئندہ 19 فروری کو ٹرسٹ کی میٹنگ طلب کی گئی ہے۔

گزشتہ روز رام جنم بھومی کے احاطے میں ایک مشتبہ شخص پکڑے جانے کے بعد سکیورٹی انتظامات بڑھا دیئے گئے ہیں، اس کے بعد اتوار کو ڈی جی پی ہتیش چندر اوستھی ایودھیا پہنچے اور سکیورٹی انتظام کا جائزہ لیا۔

بابری مسجد رام مندر پر سپریم کورٹ کے فیصلے کے بعد ایودھیا میں عقیدتمندوں کی آمد کی تعداد بڑھ گئی ہے، ایسے میں ایودھیا میں سکیورٹی انتظامات سخت کردئے گئے ہیں۔

وہیں رام جنم بھومی احاطے کی سکیورٹی میں بھی اضافہ کیا گیا ہے تاہم سخت سکیورٹی کے درمیان گزشتہ روز ایک مشتبہ شخص رام جنم بھومی کے احاطے سے گرفتار کیا گیا ہے۔

واضح رہے کہ 19 فروری کو رام جنم بھومی علاقے میں رام مندر ٹرسٹ کی پہلی میٹنگ ہوگی اس لیے سکیورٹی انتظامات بھی بڑھا دیئے گئے ہیں۔