لکھنؤ ایئرپورٹ پر حاجیوں کا پہلا قافلہ پہنچا، محسن رضا نے استقبال کیا

آج لکھنؤ کے چودھری چرن ایئرپورٹ پر 368 حاجیوں پر مشتمل پہلا قافلہ پہنچا، جہاں پر پہلے ست موجود اترپردیش حج کمیٹی کے چیئرمین محسن رضا نے حاجیوں کو پھول دے کر ان استقبال کیا۔

اترپردیش کے دارالحکومت لکھنؤ کے چودھری چرن ایئرپورٹ پر حاجیوں کا پہلا قافلہ پہنچا، اس موقع پر اتر پردیش حج کمیٹی کے چیئرمین محسن رضا نے حاجیوں کو گلاب کا پھول دے کر استقبال کیا۔ اترپردیش حج کمیٹی کے دفتر سے جاری پریس ریلیز میں کہا گیا ہے کہ پہلے قافلے میں 368 حجاج کرام کی لکھنؤ ہوائی اڈے پر واپسی ہوئی ہے۔ جن میں سے بیشتر حجاج لکھنئو سے تعلق رکھتے ہیں۔ حجاج کرام کی صحت و سلامتی کے ساتھ واپسی پر اقلیتی فلاح و بہبود کے حج اوقاف کے کابینی وزیر دھرم پال سنگھ و وزیر مملکت دانش آزاد انصاری نے مبارک باد پیش کی ہے۔