لکھنؤ: کورونا وائرس کی لہروں کے بعد سعودی حکومت نے سفر حج پر آنے والے دنیا بھر کے عازمین حج کے استقبال کا اعلان کیا تھا جس کے بعد بھارت سے بھی متعین کردہ تعداد میں عازمین حج مقدس سفر پر روانہ ہورہے ہیں۔ لکھنؤ کے علی میاں حج ہاؤس سے عازمین حج کا پہلا قافلہ روانہ ہوا جس میں 282 عازمین شامل تھے۔ ان تمام عازمین کو حج اوقاف کے وزیر مملکت دانش آزاد اور اتر پردیش حج کمیٹی کے چیئرمین محسن رضا نے ہری جھنڈی دکھا کر کے روانہ کیا ہے۔ UP Government's Better Arrangement for Hajj Pilgrims
First Caravan of Hajj Pilgrims: لکھنؤ سے عازمین حج کا پہلا قافلہ روانہ، حکومت کی جانب سے بہتر انتظامات - لکھنؤ کا علی میاں حج ہاؤس
کورونا وبا کی وجہ سے دو سال کے بعد بھارت سے حاجیوں کا قافلہ سعودی عرب کے لیے روانہ ہوا۔ اس دوران ان کے چہروں پہ خوشی کے آثار نمایاں تھے۔ Hajj pilgrims left Lucknow
![First Caravan of Hajj Pilgrims: لکھنؤ سے عازمین حج کا پہلا قافلہ روانہ، حکومت کی جانب سے بہتر انتظامات لکھنؤ سے عازمین حج](https://etvbharatimages.akamaized.net/etvbharat/prod-images/768-512-15484613-220-15484613-1654497175042.jpg)
ای ٹی وی بھارت سے گفتگو خاص بات چیت کرتے ہوئے ہے دانش آزاد نے کہا کہ اترپردیش حکومت نے عازمین حج کے لیے ہر طرح کی سہولیات مہیا کرانے کے احکامات جاری کیے ہیں جس کے بعد حکومت انتظامیہ اور حج کمیٹی کے تمام اراکین کی مشترکہ کاوشوں سے حاجیوں کو کسی بھی قسم کی پریشانی نہیں ہورہی ہے۔ اس دوران ای ٹی وی بھارت نمائندے نے حکومت کی جانب سے مہیا سہولیات کے بارے عازمین حج سے جاننے کی کوشش کی جس میں عازمین نے کہا کہ لکھنؤ کے علی میاں حج ہاؤس میں حکومت کی جانب سے تمام انتظامات بہتر اور درست ہیں کسی بھی قسم کی کوئی پریشانی کا سامنا نہیں کرنا پڑ رہا ہے۔ انہوں نے کہا کہ مقدس سرزمین پر وہ پورین دنیا میں امن و امان کی دعا کریں گے۔