ملک میں اس وقت کورونا وائرس کے بحران سے ہر کوئی لڑ رہا ہے۔ انتظامیہ اس وائرس کے خاتمے کے لیے پوری کوشش کر رہی ہے۔ لیکن عوام لاک ڈاؤن کی کھلم کھلا خلاف ورزی کر رہی ہے، جس کی وجہ سے ایس ایس پی مظفر نگر ابھیشیک یادو نے 'ہوم ڈلیوری ایف آئی آر' چلائی ہے، جس میں لاک ڈاؤن کی خلاف ورزی کرنے والوں کی ویڈیو بنانے کے بعد ان کے خلاف مقدمہ درج کرکے ایف آئی آر کی کاپی ان کے گھروں پر چسپاں کرنے کا عمل شروع کر دیا گیا ہے۔
280 افراد کے خلاف مقدمہ درج کر کاپی گھروں پر چسپاں ضلع کے تمام تھانوں میں 280 افراد کے خلاف مقدمہ درج کیا گیا ہے اور ملزمین کو ایف آئی آر کی کاپی ہوم ڈیلیور کر دی گئی ہے۔ ایف آئی آر کے ساتھ ساتھ ان ملزمین کا نام کی علاقہ میں منادی کرا دی گئی ہے۔ اس کارروائی کے لاک ڈاؤن کی خلاف ورزی کر نے والے لوگوں میں مسلسل کمی واقع ہو رہی ہے۔
ابھیشیک یادو نے بتایا کہ گذشتہ دو دنوں میں 280 افراد ایسے ہیں، جس میں 70 مقدمات میں ان کے خلاف کارروائی کی گئی ہے۔ ایف آئی آر کی کاپی ان کے گھروں میں ہوم ڈیلیوری کر دی گئی ہے۔
ان سبھی افراد کو اور ان کے پڑوس کے پڑوسیوں کے تمام لوگوں کو آگاہ کیا گیا ہے کہ ویڈیو ریکارڈنگ کی بنیاد پر یہ افراد لاک ڈاؤن کی خلاف ورزی کرتے ہوئے پائے گئے ہیں۔ اسی بنا پر ان کے گھروں پر ایف آئی آر کی کاپی لگائی جا رہی ہیں۔
ایس ایس پی نے کہا کہ اگر وہ دوبارہ سامنے آجاتے ہیں اور ان کی ویڈیو مل جاتی ہے تو وہ ان کے خلاف سخت کارروائی کریں گے، جس میں نہ صرف کیس لکھا جائے گا، بلکہ اس بات پر غور کیا جائے گا کہ وہ قومی مفاد میں جان بوجھ کر اس طرح کے کام کر رہے ہیں۔ وہ پورے ملک کے عوام اور عوام کی صحت کو نقصان پہنچانے کے لیے کوشاں ہیں۔ مزید، ایس ایس پی نے کہا کہ اس بار اگر کسی کا معاملہ دہرایا گیا تو اس کے خلاف مزید سخت کارروائی کی جائے گی۔ یہ کارروائی ابھی بھی جاری ہے۔
