اترپردیش: بھیانک آتشزدگی میں بچہ خاتون سمیت چھ افراد زخمی

اترپردیش کے ضلع علی گڑھ تھانہ سول لائن کے علاقے دود پور میں بجلی کے ٹرانسفارمر میں آگ لگنے کے سبب ایک خاتون اور بچہ سمیت بچہ سمیت چھ افراد زخمی ہوگئے۔

علی گڑھ کے دود پور علاقے میں گزشتہ شام تقریبا ساڑھے چھ بجے بجلی کے ٹرانسفارمر میں دھماکے کے ساتھ شدید آگ لگی۔

اچانک آگ نے اتنا شدید رخ اختیار کرلیا کہ ٹرانسفارمر کے قریب واقع ایک مرغے کی دکان میں موجود دو افراد اور کئی مرغے بھی اس کی زد میں آگئے۔
اور ٹرانسفارمر میں دھماکہ ہونے کے سبب موقع پر سے گزرہے ایک رکشے میں رکشہ ڈرائیور سمیر اس میں سوار خاتون اور اس کا چھوٹا بچہ اور دیگر ایک مسافر بھی بری طرح آگ میں جھلس گئے۔

موقع پر موجود لوگوں نے بالٹیوں میں پانی بھر کر اور مٹی کی مدد سے آگ پر قابو پانے کی کوشش کی۔آگ کی شدت کو دیکھ کر علاقے میں افراتفری مچ گیا۔

واضح رہے کہ دود پور علاقہ تھانہ سول لائن کا بھیڑ بھاڑ والا علاقہ ہے جہاں پر ہمہ وقت چہل پہل رہتی ہے۔

چشم دید افراد کا کہنا ہے کہ اچانک علاقے کے اس ٹرانسفارمر میں دھماکے کے ساتھ آگ لگی، جس کے سب قریب مرغے کی دکان میں موجود دو افراد اور وہاں رکھی فریج،اور رکشہ میں سوار خاتون اور بچہ اور دو موٹر سائیکل میں بھی آگ لگ گئی۔

موقع پر پولیس پہنچ گئی لیکن فائر برگیڈ کی گاڑی تاخیر سے جائےب موقع پر پہنچی۔زخمی ہوئے تمام چھ افراد کو جواہر لعل نہرو میڈیکل کالج میں علاج کے لیے داخل کروادیا گیا ہے۔مزید تفتیش جاری ہے۔