میرٹھ:اسپورٹس فیکٹری میں آتشزدگی

ریاست اترپردیش کے ضلع میرٹھ میں واقع اسپورٹس فیکٹری’’وینس اسپورٹس‘‘میں زبردست آتشزدگی میں لاکھوں روپیہ کی ملکیت تباہ ہوگئی۔

آگ کی وجہ سے لاکھوں روپیہ کا سامان جو کمپنی کے گودام میں رکھا ہوا تھا جل کر خاکستر ہوگئے۔

آگ اتنی شدید تھی کہ دیگر اضلاع سے فائر بریگیڈ کی گاڑیاں کو طلب کرنا پڑا۔

یہ واقعہ میرٹھ کے علاقے پرتارپور کے علاقے ادیوگ پورم علاقے کا ہے۔

جہاں دیر رات وینس اسپورٹس فیکٹری کے گودام میں آگ لگ گئی۔

فائر کے اہلکار آگ بجھانے کے لئے ہر ممکن کوشش کرتے رہے لیکن آگ پھیلتی ہی چلی گئی۔

آگ کو بڑھتا ہوا دیکھ کر پورے ادیوگ پورم علاقے کی بجلی بھی کاٹ دی گئی ہے۔

وینس اسپورٹس کا تعلق میرٹھ کے معروف اسپورٹس تاجر اشوک بھلا سے ہے۔

یہاں بہت سی بڑی کمپنیاں ہیں جن کو بھلا اسپورٹس اور ہوٹل براورا کہتے ہیں۔

فائر بریگیڈ کے اہلکار کو آگ پر قابو پانے میں بہت زیادہ مشقت اُٹھانی پڑی۔

تاہم ابھی تک آگ لگنے کی وجوہ کا پتہ نہیں چل سکا ہے۔

حکام کا کہنا ہے کہ تفتیش کے بعد ہی آگ لگنے کی اصل وجہ کا پتہ چل سکے گا۔