ریاست اترپردیش کے ضلع امروہہ کے قصبہ گجرولا کے محلہ شیو پوری میں چائے بناتے ہوئے گیس سلنڈر میں آگ لگنے سے گھر میں رکھے لاکھوں روپے کا سامان جل کر خاک ہوگیا۔ فائر بریگیڈ کی آمد سے قبل ہی اہل علاقہ کے رہائشیوں نے آگ پر قابو پالیا۔ متاثرہ لواحقین نے انتظامیہ سے معاوضے کا مطالبہ کیا ہے۔
امروہہ کے قصبہ گجرولا میں آتشزدگی سے لاکھوں کا نقصان قصبہ گجرولا میں رہنے والے شیو چرن کے گھر گیس چولہے پر چائے بناتے وقت بڑا حادثہ ہوگیا۔
مکان مالک شو چرن نے بتایا کہ گیس لیکیج کے باعث اچانک ریگولیٹر میں آگ لگ گئی۔ جس کی وجہ سے گھر میں رکھے ہوئے سونے کے دو زیورات، چاندی کے دو زیورات، 20 ہزار روپے مالیت کی نقدی اور دیگر سامان آگ میں جل کر خاک ہوگیا۔
امروہہ کے قصبہ گجرولا میں آتشزدگی سے لاکھوں کا نقصان آگ کو دیکھ موقع پر پہنچ کر اہل علاقہ کے مکینوں نے بالٹیوں وغیرہ سے پانی ڈال کر آگ پر قابو پانے کی کوشش کی، لیکن کامیاب نہیں ہوسکے۔
واقعے کی اطلاع ملتے ہی فائر بریگیڈ موقع پر پہنچی لیکن تب تک لوگوں نے آگ پر قابو پالیا تھا۔
