اے ایم یو طلبہ رہنما فرحان زبیری کے خلاف ایف آئی آر درج - Farhan Zubair
ریاست اترپردیش میں واقع علی گڑھ مسلم یونیورسٹی میں فرانسیسی صدر کے خلاف احتجاجی مظاہرے میں طلبہ رہنماء فرحان زبیری کے ذریعہ دی گئی تقریر وائرل ہونے کے بعد ان کے خلاف ایف آئی آر درج کی گئی ہے۔
علی گڑھ مسلم یونیورسٹی (اے ایم یو) میں چار روز قبل فرانس کے خلاف اور پیغمبر محمد مصطفی صلی اللہ علیہ وسلم کی شان میں گستاخی کرنے والوں کے خلاف احتجاجی مظاہرے میں طلبہ رہنما فرحان زبیری کی تقریر میں دیے گئے بیان کا ویڈیو وائرل ہونے کے بعد تھانہ سول لائن علیگڑھ میں دفعہ 153 اور 506 کے تحت ایف آئی آر درج کیا گیا ہے۔
چار روز قبل علیگڑھ مسلم یونیورسٹی (اے ایم یو) کے طلبہ لیڈران نے فرانس کے خلاف احتجاجی مظاہرہ کیا تھا۔ جس میں اے ایم یو طلبہ رہنما فرحان زبیری نے اپنی تقریر میں حضور صلی اللہ علیہ وسلم کی شان میں گستاخی کرنے والوں کے خلاف کہا "کوئی ان کی طرف ایک بھی انگلی اٹھاۓ گا تو ہم اس کی انگلی توڑ دینگے اور کوئی ان کی طرف آنکھ اٹھا کر دیکھے گا تو ہم اس کی آنکھ نکال لیں گے اور اگر کوئی ان کے خلاف گستاخانہ حرکت کی تو ہم اس کا سر تن سے جدا کر دیں گے"۔