ریاست بہار کے ضلع مظفر پور میں بالی ووڈ کے معروف اداکار امیتابھ بچن سمیت سات افراد پر کون بنےگا کروڑ پتی شو کے دوران ہندو مذہب کے جذبات کو ٹھیس پہنچانے کے الزام میں سی جے ایم عدالت میں شکایت درج کی گئی ہے۔
واضح رہے کہ مذکورہ درج کی گئی شکایت میں 'کون بنےگا کروڑ پتی شو' میں ہندوؤں کے جذبات کو ٹھیس پہنچانے کا الزام عائد کیا گیا ہے۔
خیال رہے کہ پوروانچل ریاست ہندو مہاسبھا کے ریاستی صدر چندر کشور پراشر نے یہ شکایت درج کرائی ہے۔
اطلاع کے مطابق یہ شکایت 'کون بنےگا کروڑ پتی شو' کے میزبان امیتابھ بچن، ہدایت کار راہل ورما، ارون شیش کمار، بورڈ انٹرٹینمنٹ ٹیلی ویژن کے چیئرمین منجیت سنگھ، منیجنگ ڈائریکٹر اور سی ای او سونی انٹرٹینمنٹ ٹیلی ویژن این پی سنگھ، سونی انٹرنیشنل ٹیلی ویژن کے مالک اور بیجاورا ولسن پر الزام عائد کیا گیا ہے۔
ہندو مہاسبھا کے ریاستی صدر چندر کیشور پراشر نے الزام لگایا ہے کہ 30 اکتوبر کو کون بنےگا کروڑ پتی کے سیزن - 12 میں امیتابھ بچن جو 64 لاکھ روپے کا سوال پوچھا تھا۔ اس سوال سے ہندوؤں کے جذبات مجروح ہو رہے ہیں۔