تبلیغی جماعت کو پناہ دینے پر ایف آئی آر درج

ریاست اترپردیش کے دارالحکومت لکھنؤ میں کورونا مثبت مریضوں کی تعدادا میں مسلسل اضافہ ہو رہا ہے۔

لکھنؤ میں دہلی کے نظام الدین مرکز میں شامل ہونے والے تبلیغی جماعت کے لوگوں کی شناخت کی جارہی ہے اور انہیں قرنطین کیا جارہا ہے۔ حال ہی میں چوک پولیس اسٹیشن علاقے کے تحت ایک 50 سالہ باورچی کی نشاندہی کی گئی تھی جس نے اپنے گھر پر تبلیغی جماعت کے 10 افراد کو پناہ دی تھی۔

باورچی کی کورونا مثبت رپورٹ کے آنے کے بعد پولیس نے 10 تبلیغی جماعتی سمیت باورچی پر وبائی ایکٹ 1897، ڈیزاسٹر مینجمنٹ ایکٹ 2005 کے تحت ایف آئی آر درج کی ہے۔

ایڈیشنل ڈی سی پی وکاس ترپاٹھی نے معلومات دیتے ہوئے کہا کہ تبلیغی جماعت کے لوگوں کو چھپانے اور پناہ دینے کے لیے 11 افراد کے خلاف دفعات کے تحت ایف آئی آر درج کی گئی ہے۔

باورچی کی رپورٹ کورونا مثبت آنے کے بعد باورچی سمیت تبلیغی جماعت کے 10 افراد کو قرنطین کیا گیا ہے۔ وہیں چوک کے اس علاقے کو سیل کردیا گیا ہے اور علاقے میں 100 پولیس اہلکاروں کی ڈیوٹی لگائی گئی ہے۔ علاقے کے 13 انٹری پوائنٹ بلاک کردیئے گئے ہیں۔