انتخابی تربیت میں غیر حاضرافسران کے خلاف ایف آئی آردرج

اتر پردیش میں ہونے والے پنچایتی انتخابات کےتعلق سے منعقدہ تربیتی پروگرام میں غیر حاضر رہنے والے 43 افسران کے خلاف ایف آئی آر درج ہوگی۔ تربیتی پروگرام میں نہیں پہنچنے سے ناراض ڈسٹرکٹ مجسٹریٹ سہاس ایل وائی نے یہ حکم جاری کیا۔

ریاست اترپردیش کے ضلع گوتم بودھ نگر میں پنچایتی الیکشن کے تناظر میں آج سہ روزہ تربیت کی پہلی شفٹ گورنمنٹ گرلز انٹر سیکٹر 58 میں چیف ڈویلپمنٹ آفیسر اور آفیسر انچارج انیل کمار کی سربراہی میں پریذائڈنگ اور پولنگ افسران کو ماسٹر ٹرینر نے تربیت دی۔

پنچایتی انتخابات کے لیے تربیتی پروگرام

انتخابی تربیت میں غیر حاضر رہنے والے 43 افسران کے خلاف ایف آئی آر

تربیت کے دوران مجموعی طور پر 43 پریذائڈنگ افسران اور پولنگ افسران غیر حاضر تھے ۔

جن کے خلاف عوامی نمائندگی ایکٹ کے تحت ایف آئی آر درج کرنے کی کارروائی کی جارہی ہے۔

تربیت کے دوران پریذائیڈنگ افسران میں دیویندر سنگھ یادو ، ترجمان گورنمنٹ گرل انٹر کالج ، راہول شرما مینیجر نوئیڈا ڈویلپمنٹ اتھارٹی سمیت 15 غیر حاضر تھے۔ اسی طرح پہلے پولنگ افسران میں کلدیپ شرما ، اسسٹنٹ ٹیچر جیور ، مسز رینو کے ساتھ آٹھ غیر حاضر پائے گئے۔ دیگر پولنگ افسروں میں پردیپ کمار ، سینئر اسسٹنٹ گوتم بدھ یونیورسٹی ، جیچند بیلدار ایگزیکٹو انجینئر محکمہ تعمیرات عامہ اور 14 پولنگ آفیسر غیر حاضر تھے۔ تیسرے پولنگ افسران میں کل 6 غیر حاضر پائے گئے ، جن میں سنی چوہان اور آنند کمار محکمہ تعلیم دادری شامل ہیں۔ تمام غیر حاضر پولنگ افسران کے خلاف ایف آئی آر درج کرنے کیلئے کارروائی کی جارہی ہے۔

اس موقع پر چیف ڈویلپمنٹ آفیسر اور پولنگ کے انچارج انل کمار سنگھ نے تمام پریذائڈنگ افسران اور پولنگ افسران سے ملاقات کی اور کہا کہ پولنگ کے سلسلے میں ماسٹر ٹرینر نے جو تربیت دی ہے اس پر عمل کرتے ہوئے پولنگ کے عمل کو پورا کروائیں تاکہ ضلع میں آزادانہ ، منصفانہ ، شفاف اور پرامن ووٹنگ کی جاسکے۔