کشی نگر: پرالی جلانے کے الزام میں کسانوں پر مقدمہ

ریاست اترپردیش کے ضلع کشی نگر میں پرالی جلانے کے الزام میں ضلع انتظامیہ کی ہدایت پر 19 کسانوں کے خلاف مقدمہ درج کیا گیا ہے۔

آفیشیل ذرائع نے بتایا کہ پڈرونہ تحصیل کے علیٰحدہ علیٰحدہ علاقوں میں پرالی جلانے کے معاملے میں 19 کسانوں کے خلاف مقدمہ درج کرایا گیا ہے۔

انہوں نے بتایا کہ آلودگی میں اضافے کو دیکھتے ہوئے ضلع انتظامیہ نے سپریم کورٹ کی ہدایت پر عمل آوری میں کسانوں کے خلاف یہ کاروائی کی ہے۔

انہوں نے مزید بتایا کہ پڈرونہ تحصیل علاقے کے بدرولی، بڑگاؤں،اندرسینوا، پرساد پور، نوتنوا ہردو اور بروا کلا گاؤں کے کسان شامل ہیں۔

اس کے علاوہ پڈرونہ کوتوالی کبیرستھان اور ترک پٹی تھانے میں مقدمے درج کرانے کی یہ کاروائی کی گئی ہے۔