اترپردیش کے ضلع گونڈا کے نواب گنج کے دھوریا گاؤں میں دو گروہوں کے درمیان جھڑپ میں ایک حاملہ خاتون زخمی ہو گئیں جس کے بعد اسے ہسپتال لے جایا گیا۔ ڈاکٹرز نے بتایا کے حاملہ کا بچہ ضائع ہوگیا۔
سمن نامی خاتون کے پیٹ میں پل رہا 7 ماہ کے بچہ مادر رحم میں ہی ضائع ہو گیا۔ خاتون کے اہل خانہ کا الزام ہے کہ پون اور سبھاش نامی شرپسندوں نے حاملہ خاتون کو بری طرح زدوکوب کیا جس سے خاتون موقع پر ہی بے ہوش ہوگئی۔
نواب گنج کے دھوریا گاؤں میں دو گروہوں کے مابین ہونے والی جھڑپ میں ایک حاملہ خاتون شدید زخمی ہو گئی تھیں۔ اس حادثے کی جانچ کے بعد پولیس نے کیس درج کر لیا ہے اور ملزموں کے خلاف کاروئی کی جا رہی ہے۔ وہیں نومولود بچے کی لاش کو پوسٹ مارٹم کے لیے بھیج دیا گیا ہے۔
اس پورے معاملے پر بات کرتے ہوئے اے ایس پی گونڈا مہیندر کمار نے کہا 'یہ معاملہ تھانہ نواب گنج کے اندر ایک دھوریا گاؤں میں پیش آیا ہے۔ وہاں دو گروپز میں تنازع ہوا جس میں حاملہ خاتون سمن کے ساتھ مار پیٹ کی گئی، واقعہ 14 نومبر کا ہے۔ سمن کو کافی چوٹیں آئیں جس کے بعد انھوں نے 19 نومبر کو ایک مردہ بچے کو جنم دیا'۔
اے ایس پی مہیندر کمار نے کہا ہے کہ اس کیس میں ملزموں کے خلاف متعدد دفعات کے تحت کاروائی کی جا رہی ہے۔
