مظفر نگر:کورونا کے سبب 15 قیدی دو مہینے کی پیرول پر ہونگے رہا

مظفرنگر میں کورونا وائرس کے سبب جیل میں قید سزا یافتہ 15 قیدی دو مہینے کی پیرول پر رہا ہوں گے۔

ریاست اترپردیش کے ضلع مظفرنگر میں آج ضلع مجسٹریٹ اور مظفر نگر ایس ایس پی نے سپریم کورٹ کی ہدایات کے مطابق کووڈ-19 کی گائیڈ لائن کے تحت آج ڈسٹرکٹ جیل کا معائنہ کیا اور ان 15 سزا یافتہ قیدیوں کے ساتھ ملاقات کی جن کو کووڈ گائیڈ لائن کے تحت دو مہینے کی پرول پر جلد ہی رہا کیا جائے گا۔

اس سے متعلق مزید معلومات دیتے ہوئے جیل سپریڈنٹ نے بتایا کہ آج مظفر نگر ضلع مجسٹریٹ اور ایس ایس پی ابھیشیک یادو نے سپریم کورٹ کے ذریعہ دی گئی ہدایت پر عمل کرتے ہوئے آج جیل کا دورہ کیا۔ساتھ میں ان قیدیوں سے ملاقات کی جن کو دو مہینے کے پیرول پر رہا کیا جائے گا۔

واضح رہے کہ مظفر نگر جیل سے پندرہ قیدیوں کو دو مہینے کے لیے پیرول پر رہا کیا جائے گا۔