ایک گلاس دودھ کےلیے بیٹے کا قتل

اترپردیش کے پیلی بھیت میں ایک گلاس دودھ پر تنازعہ کے چلتے باپ نے اپنے بیٹے کو مبینہ طور پر گولی مارکر ہلاک کردیا اور خود کو بھی ہلاک کرلیا۔

پرنپور کے سوہانا گاؤں میں یہ دلخراش واقعہ پیش آیا جہاں باپ نے بیٹے کو ہلاک کرکے خود کو بھی ہلاک کردیا۔

اطلاعات کے مطابق 55 سالہ گرمک سنگھ اور 16 سالہ بیٹے کے درمیان دودھ کی مقدار کو لیکر تنازعہ ہوا تھا، باپ نے بیٹے پر زیادہ دودھ پینے اور اسے کم دودھ دینے کا الزام لگایا تھا جبکہ اس کی اہلیہ اور بیٹی دور تھیں۔

گرمک سنگھ نے بیٹے اور بھائی اوتار سنگھ (جس نے مداخلت کرنے کی کوشش کی تھی) کو گولی ماری اور خود کو بھی گولی مارلی۔

باپ اور بیٹے نے موقع پر ہی دم توڑ دیا جبکہ اوتار کو فوری ہستپال منتقلکیا گیا جہاں اس کی حالت مستحکم بتائی گئی ہے۔

پولیس نے بتایا کہ گرک سنگھ کے بھائی کی شکایت پر مقدمہ درج کرلیا گیا ہے اور اس سلسلہ میں تحقیقات جاری ہے۔