بنارس: فیشن شو میں نوجوان لڑکے اور لڑکیوں نے بکھیرا جلوہ

ریاست اترپردیش کے شہر بنارس کے ایچ ایچ آئی ہوٹل میں فیشن شو کا انعقاد کیا گیا اور اس شو میں حصہ لینے والے لڑکے اور لڑکیوں میں سے بہترین پرفارم کرنے والے کو مس کاشی اور مسٹر کاشی کا خطاب دیا گیا۔

بنارس جہاں ایک طرف سیاسی اور مذہبی اعتبار سے بین الاقوامی سطح پر ملک کی نمائندگی کر رہا ہے، وہیں اب اداکاری اور فیشن کی دنیا میں بھی ملک کا نام روشن کرنے کے لیے تیار ہے۔اسی کے پیش نظر شہر بنارس کے ایچ ایچ آئی ہوٹل میں فیشن شو کا انعقاد کیا گیا کیا، جس میں بنارس کی مقامی لڑکیوں نے اپنے فن کے مظاہرے سے ناظرین کا دل جیت لیا۔

فیشن شو میں بطور جج شامل رہے ثاقب بھارت نے ای ٹی وی بھارت سے بات کرتے ہوئے بتایا کہ بنارس میں بہت سارے ایسے اداکار ہیں، جن کو فلموں میں یا دیگر مقامات پر کام کرنے کا موقع نہیں ملتا ہے۔ایسے لوگوں کے فن کو نکھارنے کے لیے اس طرح کے پروگرام منعقد کئے جارہے ہیں جس سے نہ صرف بنارس کی اداکاری سامنے آئے گی بلکہ ان کو ایک موقع بھی ملے گا تاکہ اداکاری کی دنیا میں وہ اپنا ایک کامیاب مستقبل بناسکیں۔انہوں نے کہا کہ یہی وجہ ہے کہ بنا رس کے مقامی لڑکے اور لڑکیاں اداکاری اور فیشن شو میں دلچسپی لے رہے ہیں، جن میں سے آج کے شو میں تقریبا اٹھائیس لڑکے و لڑکیوں نے شرکت کی ہے اور بہترین کام کرنے والوں کو مس کاشی اور مسٹر کاشی کا خطاب دیا گیا ہے۔