بنارس: کسان یونین کا مرکزی حکومت کے خلاف احتجاج

ضلع بنارس میں واقع بھارت ماتا مندر کے قریب پروانچل کسان یونین کے کارکنان نے مرکزی حکومت کے خلاف احتجاج کیا۔

ریاست اترپردیش کے ضلع بنارس میں واقع بھارت ماتا مندر کے قریب پروانچل کسان یونین کے کارکنان نے مرکزی حکومت کے خلاف احتجاج کیا۔

اس دوران پروانچل کے کسان یونین کے صدر ویراج سنگھ پٹیل نے میڈیا سے گفتگو کرتے ہوئے کہا کہ 'بنارس کے بھارت ماتا مندر پر مرکزی حکومت کے خلاف آج احتجاج کیا گیا اور ہریانہ میں حکومت کی جانب سے کسانوں پر کیے گیے لاٹھی چارج کی مذمت کی گئی۔

انہوں نے کہا کہ 'کسانوں کے خلاف مرکزی حکومت نے تین کالے قانون لائے ہیں جو نہ صرف کسانوں کے لیے پریشانی کا باعث بنے گی، بلکہ کسان مزدوروں کی طرف بھی تیزی سے گامزن ہوگی، انہوں نے کہا کہ پہلا قانون اب پنچایت سطح پر حکومت کے ذریعے کسانوں کے اناج خریدنے کا مرکز نہیں بنائے جائیں گے، حکومت اس کا ریٹ طے نہیں کرے گی اور کسانوں کے فصل کو علاقائی تاجر کم قیمت میں خریدیں گے.

دوسرا قانون کانٹریکٹ فارمنگ کا ہے جس میں سرمایہ دار کسانوں کی زمین کرائے پر لے کر اس میں کھیتی کریں گے اور کسان اس میں مزدور رہیں گے، یہ قانون کسانوں کے خلاف ہے اس قانون کے ذریعے سرمایہ دار کسانوں کی زمین پر قبضہ کر لیں گے اور کسان مزدور۔

انہوں نے کہا کہ'جب تک یہ قانون مرکزی حکومت واپس نہیں لیتی احتجاج جاری رہے گا ۔