ریل روکو مہم کے تحت کسانوں کا احتجاج

زرعی قوانین کے خلاف آج کسانوں نے ریل روکو مہم کے تحت بہار جانے والی ٹرین کو 40 منٹ تک دنکور اسٹیشن پر روک کر رکھا۔

نوئیڈا: زرعی قوانین کے خلاف ریل روکو مہم کے تحت آج احتجاجیوں نے بہار جانے والی دربھنگہ ایکسپریس 2566 کو دنکور ریلوے اسٹیشن پر 40 منٹ تک روکے رکھا۔ اس دوران مظاہرین نے مسافروں میں لسی تقسیم کئے۔

پولیس نے دعویٰ کیا تھا کہ وہ ٹرینوں کو کسی بھی قیمت پر رکنے نہیں دیے گی، لیکن کسان مظاہرین نے اسٹیشن پر ٹرین کو روک کر اپنے ارادے اور عزم ظاہر کر دیے۔

مظاہرین کو روکنے کے لئے پی اے سی کے ٹیم اور جی آر پی کے اہلکاروں کو مختلف اسٹیشن پر تعینات کئے گئے ہیں۔ اس میں ضلع پولیس بھی تعاون کر رہی ہے۔ قریبی پولیس اسٹیشن کو بھی الرٹ کیا جا چکا ہے۔