مرادآباد: زرعی قانون کے خلاف کسانوں کا احتجاج

اترپردیش کے ضلع مرادآباد کے امبیڈکر پارک سے بھارتیہ کسان یونین کے عہدے دار و کارکنان پیدل جلوس کی شکل میں کلکٹر آفس پہنچے۔

بھارتیہ کسان یونین کے ذمہ داران نے ڈی ایم راکیش کمار کے ذریعے صدر جمہوریہ کو ایک میمورنڈم دے کر کسانوں کے خلاف پاس کیے گئے قانون کو واپس لینے کا مطالبہ کیا ہے۔

بھارتیہ کسان یونین کے صوبائی سکریٹری ڈاکٹر چرن سنگھ نے ای ٹی وی بھارت سے بات چیت کرتے ہوئے بتایا کہ ہمارا یہ احتجاج کسانوں کے لیے لائے گئے قانون کے خلاف ہے جب حکومت اقتدار میں آتی ہے تو کسانوں کے لیے بڑے بڑے وعدے کیے جاتے ہیں اور بعد میں حکومت ان وعدوں سے مکر جاتی ہے ۔

کسانوں کے خلاف قانون پاس کیے جانے سے کسانوں کے قرض معاف نہیں ہوں گے بلکہ کسان قرض میں اور ڈوب جائیں گے۔ مہاراشٹر حکومت نے کسانوں کے قرض معاف کر دئیے لیکن بی جے پی حکومت اب کسانوں کے خلاف منصوبے بنا رہی ہے ۔