Farmers Protest Against Power Dept: سہارنپور میں کسانوں کا بجلی محکمہ کے خلاف احتجاج

اترپردیش کے ضلع سہارنپور کے دیوبند علاقہ میں محکمہ بجلی کی جانب سے ٹیوب ویل کا کنکشن کاٹنے سے ناراض درجنوں کسانوں نے آج احتجاج کیا اور محکمہ سے مسئلہ کو حل کرنے کا مطالبہ کیا۔ Farmers protest against power Department

اطلاعات کے مطابق دیوبند کے محلہ اندرون کوٹلہ کے باشندہ 82 سالہ کسان غیوب اپنی زرعی زمین میں فصلوں کی آبپاشی کے لیے ٹیوب ویل لگا رکھے تھے۔ الزام ہے کہ 27 مئی کو محکمہ بجلی کے دو ملازمین نے بغیر بتائے ٹیوب ویل کا بجلی کنکشن کاٹ دیا اور تار اپنے ساتھ لے گئے۔ Farmers protest against power Department

اس سلسلے میں بزرگ نے وزیراعلیٰ سمیت ضلع کے بجلی محکمہ کے اعلیٰ حکام کو بھی خط لکھا، لیکن مسئلے کا کوئی حل نہیں نکلا۔ بعد ازاں ہفتے کے روز درجنوں کسان معمر غیوب کے ساتھ ان کے ٹیوب ویل والے کھیت پر پہنچے اور بجلی محکمہ کے خلاف مظاہرہ کیا۔

متاثرہ کسان غیوب کے مطابق ان پر محکمہ بجلی کا کوئی بقایا نہیں ہے۔ اس کے باوجود ان کا ٹیوب ویل کنکشن کاٹ دیا گیا۔ اب انہیں آبپاشی میں مشکلات کا سامنا کرنا پڑرہا ہے۔ کسانوں نے محکمہ بجلی سے معمر کسان کا بجلی کنکشن جوڑنے کا مطالبہ کیا ہے۔