Farmers protest Against NTPC: کسانوں کا این ٹی پی سی کے خلاف احتجاج

نوئیڈا میں کسانوں کا نیشنل تھرمل پاور کارپوریشن (این ٹی پی سی) کے خلاف احتجاج جاری ہے، کسان اپنے 7 برس پرانے مطالبات کے حوالے سے احتجاج کررہے ہیںFarmers Protest Against NTPC۔

نوئیڈا: اتر پردیش کے گریٹر نوئیڈا میں سماجوادی پارٹی کے لیڈر پیتامبر شرما کی قیادت کسانوں کا نیشنل تھرمل پاور کارپوریشن (NTPC) دفتر کے باہر احتجاج جاری ہےFarmers protest Against NTPC، کسان اپنے 7 برس پرانے مطالبات کے حوالے سے احتجاج کررہے ہیں۔

اس ضمن میں سماج وادی پارٹی کے سینئر لیڈر پیتامبر شرما نے بتایا کہ 'این ٹی پی سی نے تھرمل پلانٹ لگانے سے قبل 23 گاؤں کی زمین حاصل کی تھی، اور NTPC پلانٹ ریلوے لائن وغیرہ لگائی۔

اس وقت 23 گاؤں کے لوگوں نے NTPC سے مطالبہ کیا تھا کہ انہیں این ٹی پی سی کے ذریعہ بڑھے ہوئے نرخوں پر معاوضہ دیا جائے اور ہر خاندان کے ایک فرد کو نوکری دی جائے۔ لیکن NTPC نے ایسا کرنے سے منع کردیا، جس کو لے کر کسانوں کا احتجاج Farmers protest جاری ہے۔

انہوں نے کہا کہ نئے اراضی حصول قانون کو نافذ ہوئے 7 سال ہوچکے ہیں لیکن کسانوں کو ابھی تک اس کا فائدہ حاصل نہیں ہوسکا ہے۔ مرکزی اور ریاستی حکومتیں سرمایہ داروں کے اشارے پر کسانوں کا استحصال کر رہی ہیں۔ اگر کسان اپنے حقوق کے لیے آواز اٹھاتے ہیں تو ان کے خلاف قانونی کارروائی کی جاتی ہے۔

پیتامبر شرما نے کہا کہ 'این ٹی پی سی کے قیام کے موقع پر کسانوں سے کئی وعدے کئے گئے تھے، لیکن زیادہ تر وعدے ابھی تک پورے نہیں کئے گئے ہیں۔ جس کے پیش نظر ایک عرصے سے 23 گاؤں کے لوگ مسلسل احتجاج کر رہے ہیں لیکن ان کے مطالبات تسلیم نہیں کیے جا رہے ہیں۔