امروہہ میں زرعی قوانین کی مخالفت جاری

امروہہ ضلع میں زرعی قوانین کی مخالفت تھمنے کا نام نہیں لے رہی ہے۔ کہیں کاشتکار زرعی قوانین کی مخالفت میں کچی فصل کاٹ رہے ہیں، تو کہیں بی جے پی رہنماؤں و کارکنان کا بائیکاٹ کیا جا رہا ہے۔

اترپردیش کے ضلع امروہہ میں زرعی قوانین کی مخالفت میں تحصیل دھنورہ کے گاؤں چندر فارم میں کسانوں کا ایک ویڈیو وائرل ہوا ہے، جس میں بی جے پی رہنماؤں کے کچھ نوجوان پوسٹر پھاڑتے نظر آ رہے ہیں۔

چندر فارم کے کسان رہنما راجندر سنگھ کا کہنا ہے کہ، 'انہوں نے زرعی قانون کے خلاف احتجاج کرتے ہوئے گاؤں میں پوسٹر پھاڑ دیئے ہیں اور واضح طور پر کہا ہے کہ کوئی بھی بی جے پی کارکن گاؤں میں نہیں آئے، جب تک کہ زرعی قانون واپس نہیں لیا جاتا۔ یہ احتجاج جاری رہے گا۔'

گاؤں کے دوسرے نوجوان بھی یہی کہتے ہوئے نظر آرہے ہیں کہ جب تک کہ تینوں زرعی قوانین واپس نہیں ہوتا ہے، یہ احتجاج جاری رہے گا۔

ضلع کے گجرولا علاقے کے گاؤں دریا پور بزرگوں میں بھی کسانوں نے احتجاج کیا اور اپنے کھیتوں میں کھڑی فصل پر ٹریکٹر چلایا۔

ان کاشتکاروں کا کہنا ہے کہ یہ تینوں زرعی قانون ان کو کسی بھی حالت میں قابل قبول نہیں ہے اور بہتر ہے کہ ان کی فصل سرکار برباد کرے، اس کو خود کسان اپنے ہاتھوں سے برباد کر لے۔