بارہ بنکی: کسان تنظیموں کو احتجاج کرنے سے روکا گیا

کسان یونین کے کارکنان قومی قیادت کی اپیل پر جلوس نکال کر ضلع مجسٹریٹ کو میمورنڈم دینے جا رہے تھے لیکن انہیں راستے میں ہی روک دیا گیا۔

ریاست اتر پردیش کے بارہ بنکی میں پیر کے روز کسان تنظیموں کی اپیل پر احتجاج کے مدنظر انتظامیہ مکمل طور سے مستعد نظر آئی۔ سیاسی پارٹیوں کے رہنماؤں اور کارکنان پر تو نظر رکھی ہی گئی، ساتھ ہی کسان تنظیموں کو بھی پولیس نے کوئی پروگرام منعقد نہیں کرنے دیا۔

دراصل بھارتیہ کسان یونین کے کارکنان قومی قیادت کی اپیل پر جلوس نکال کر ضلع مجسٹریٹ کو میمورنڈم دینے جا رہے تھے لیکن انہیں راستے میں ہی روک دیا گیا۔

بتایا جا رہا ہے کہ بھارتیہ کسان یونین (ٹکیت) کے کارکنان اپنی قومی قیادت کی اپیل پر جلوس کی شکل میں فطح آباد سے کلکٹریٹ میمورنڈم دینے جا رہے تھے۔ کچھ دور چلنے کے بعد پولیس نے دفعہ 144 حوالہ دیتے ہوئے انہیں روک دیا۔

کسان تنظیموں کا الزام ہے کہ 'حکومت پولیس کی مدد سے ہم لوگوں کا استحصال کرا رہی ہے۔ جمہوری نظام میں انہیں پر امن احتجاج بھی نہیں کرنے دیا جا رہا ہے۔'

بھارتیہ کسان یونین کے کارکنان نے انتباہ دیتے ہوئے کہا کہ 'اگر حکومت کسانوں کی نہیں سنے گی تو وہ احتجاج جاری رکھیں گے۔