مئو: نہر میں گرنے سے کاشتکار کی موت

مئو ضلع کے گاؤں پنچایت تلئی بزرگ میں ایک شخص کی نہر میں گر کر موت ہو گئی۔ حادثے کا شتکار راجندر بھارتی دیر شب اپنے کھیت کی نگرانی کرنے گیے تھے۔

اترپردیش کے ضلع مئو کے گاؤں پنچایت تلئی بزرگ میں ایک شخص کی نہر میں گر جانے سے موت ہو گئی۔

راجندر بھارتی دیر شب اپنے کھیت کی نگرانی کرنے گیے تھے۔ مقامی لوگوں کے مطابق ہلاک ہوئے شخص رات کے اندھیرے میں اندازہ نہ ہونے کی وجہ سے نہر کے گہرے پانی میں گر گیے۔

کافی مشقت کے بعد گاؤں کے باشندوں نے ان کی لاش برآمد کی۔ یہ واقعہ مئو ضلع کے گھوسی کوتوالی حلقہ میں پیش آیا۔

نہر میں گرنے سے کسان کی موت

حادثے کے کافی دیر بعد بھی پولس جائے حادثہ پر نہیں پہنچی۔ ہلاک ہوئے کاشتکار راجندر بھارتی کی تین بیٹیاں اور ایک بیٹا ہے۔