نفیس بنارسی مہلک بیماری کینسر سے متاثر تھے۔ گزشتہ روز وہ زندگی کی جنگ ہار گئے اور اپنے خالق حقیقی سے جا ملے۔
نفیس بنارسی کے سریاں علاقے کے رہائشی تھے۔ گزشتہ کچھ مہینوں سے کینسر کے مرض میں مبتلا تھے۔ مختلف ہسپتالوں میں زیر علاج رہے لیکن کل دنیا کو الوداع کہہ گئے ۔
نفیس بنارس کے انتقال پر ملال سے اردو دنیا سوگوار ہے ان کے انتقال سے بنارس سمیت متعدد اضلاع سے لوگ تعزیتی پیغام بھیج رہے ہیں۔ نفیس بنارسی کے انتقال سے بنارس نے ایک عظیم اردو شاعر کو کھو دیا جس کی تلافی ناممکن ہے۔
لواحقین میں دو بیٹے اور ایک بیٹی شامل ہیں۔ بنارسی کی نماز جنازہ میں بنارس سمیت متعدد اضلاع سے افراد شامل ہوئے ہیں ملک کے مختلف علاقوں میں نفیس بنارسی کے مداح موجود ہیں جن کو ان کے انتقال سے بڑا صدمہ پہنچا ہے۔
