مولانا کلب صادق سخت علیل

معروف شیعہ عالم دین مولانا کلب صادق سخت بیمار ہیں۔ وہ لمبے عرصے سے زیر علاج ہیں لیکن اب حالت مزید خراب ہو گئی ہے۔

اترپردیش کے دارالحکومت لکھنؤ میں مقیم معروف شیعہ عالم دین مولانا کلب صادق کافی وقت سے بیمار ہیں،

منگل کی شام کو ملی اطلاع کے مطابق مولانا کلب صادق کی طبیعت مزید خراب ہوگئی ہے۔ وہ جسمانی طور پر بہت کمزور ہو چکے ہیں۔

معلوم رہے کہ مولانا کلب صادق ایرا میڈیکل کالج میں زیر علاج ہیں۔ وہ اسپتال کی بلڈنگ میں الگ کمرے میں اپنے چھوٹے بیٹے کے ساتھ رہتے ہیں اور تقریباً سبھی سماجی سرگرمیوں سے خود کو بہت پہلے سے الگ تھلگ کر لیا ہے۔ آخری بار کلب صادق نے شہریت ترمیمی قانون کے خلاف دھرنے پر بیٹھی خواتین کی حوصلہ افزائی کے لئے گھنٹہ گھر جا کر خطاب کیا تھا۔