ریاست اترپردیش میں ضلع رامپور کے شاہ آباد میں خود کو داروغہ بتاکر دکانداروں سے جعل سازی کرنے والے ایک شخص کو پولیس نے گرفتار کیا ہے۔
رامپور کے تھانہ شاہ آباد میں شیام موہن نامی ایک شخص نے آج عرضی دائر کرتے ہوئے بتایا کہ 15 جون کو ان کے پاس ایک فون آیا تھا جس نے اپنے آپ کو ایس آئی جتیندر سنگھ، تھانہ شاہ آباد بتاتے ہوئے پانچ کلو واٹ کا آٹومیٹک اسٹیبلائزر بنانے کی بات کہی۔
مذکورہ شخص کا دوبارہ فون آیا اور کام کرانے کے بہانے قصبہ بلاکر اسٹیبلائزر دکان سے لے گیا۔ تھانہ سے جب اس شخص کی جانکاری حاصل کی گئی تو پتا کہ وہ شخص جعل ساز ہے۔
شیام موہن دکاندار کے بیان پر جب پولیس نے معاملے کی تحقیقات کی تو ملزم چکر پور کا رہائشی شاہرون نکلا جسے پولیس نے جعل سازی کے سامان کے ساتھ گرفتار کر لیا۔
پوچھ گچھ میں ملزم نے بتایا کہ وہ اپنے آپ کو داروغہ بتاکر مختلف دکانداروں سے سامان حاصل کرتا تھا اور کباڑیوں کو فروخت کرتا تھا۔
فی الحال پولیس گرفتار ملزم پر دفعہ 284/20 420، 406، 411 کے تحت کارروائی کرکے جیل بھیج دیا ہے
