بلندشہر:اتر پردیش کے بلند شہر ضلع میں محکمہ صحت کی ٹیم نے ایک پرائیویٹ اسپتال پر چھاپہ مار کر ایک فرضی ڈاکٹر کو مریض کا آپریشن کرتے ہوئے رنگے ہاتھوں پکڑ لیا ہے۔ اس سلسلے میں ٹیم نے اسپتال کو سیل کرکے تین افراد کو حراست میں لیاگیا ہے۔Fake doctor arrested in Bulandshahr
چیف میڈیکل آفیسر (سی ایم او) ونے کمار سنگھ نے بتایا کہ کل دیر رات آئی ایم اے کی شکایت پر محکمہ صحت نے پولیس کے ساتھ لے کر بلند شہر نگر کے بھڈ چوراہا میں واقع ایک پرائیویٹ سمر اسپتال پر چھاپہ مارا، جہاں اسپتال کے فرضی کارکن اسپتال چلاتے ہوئے پائے گئے۔ ٹیم نے وہاں ایسے تین مریضوں کو بھی پایا جن کے آپریشن چند گھنٹے پہلے کیے گئے تھے۔ اس کے علاوہ دیگر مریضوں کے آپریشن کا منصوبہ بنایا جا رہا تھا۔ محکمہ صحت نے اسپتال کو سیل کردیاہے، پولیس نے موقع سے تین افراد کو حراست میں لے لیا ہے۔ ساتھ ہی مقدمہ درج کرکے قانونی کارروائی کرنے کا دعویٰ کیا جا رہا ہے۔