بریلی: تعزیہ داری کی اجازت کا مطالبہ

بریلی میں خانقاہ عالیہ نیازیہ سے وابستہ فیضان نیازیہ ویلفیئر سوسائٹی نے ضلع انتظامیہ سے مطالبہ کیا ہے کہ حکومت کی ہدایتوں کےساتھ معاشرتی فاصلہ، ماسک اور سینی ٹائزیشن کے استعمال کے ساتھ تعزیہ داری کی اجازت دی جائے۔

فیضانِ نیازیہ ویلفیئر سوسائٹی کے قومی صدر کمال میاں نیازی اپنے تمام عقیدت منت اور کارکنان کے ساتھ ضلع کلیکٹریٹ پہنچے اور افسران سے ملاقات کرکے مطالبہ کیا ہے کہ تعزیہ داری کی اجازت دی جانی چاہیئے۔

اُنہوں شہر کے تمام امام باڑوں پر سینی ٹائزیشن کرانے، ماسک کا استعمال کرنے اور معاشرتی فاصلہ قائم کرانے کا بھی دعویٰ کیا۔

کمال میاں نیازی نے اپنے چار نکاتی میمورنڈم میں واضح کہا کہ روایتی تخت اور تعزیہ داری کی اجازت سوشل ڈسٹینسنگھ اور ماسک کے لازمیت کے ساتھ دی جائے۔ اسکے علاوہ اُنہوں گھروں میں مجلس کی اجازت کے بعد تمام احتیاطی تدابیر و قوانین پر سختی سے عمل کرانے کا بھی دعویٰ کیا۔

قدیمی عزاخانہ، نیاز اور لنگر تقسیم کرنے کے دوران بھی ان تمام ہدایات پر عمل کیا جائےگا۔ زائرین اور عقیدت مندوں کو سیل بند خانہ اور پانی یعنی پیکنگ والا تبرک تقسیم کرنے کی اجازت بھی جائے۔

عشرہ یعنی محرم الحرام کی دس تاریخ کو تعزیہ دفن کرنے کے لیئے بھی علاقائی قبرستان میں اجازت دی جائے، جہاں گزشتہ کئی دہائیوں سے تعزیے دفن کیئے جا رہے ہیں۔

اُنہوں نے اس عمل کو بھی یقینی بنانے کا دعویٰ کیا کہ ان تمام کارکردگی میں معاشرتی فاصلہ کا قیام، ماسک کا استعمال اور سینی ٹائیزر کا صد فیصد استعمال کیا جائےگا۔