'بحران کے وقت استحصال کرنا سود خوروں کا کام ہے، حکومت کا نہیں'

سماجوادی پارٹی کے صدر اکھیلیش یادو نے بھارتیہ جنتا پارٹی (بی جے پی) حکومت پر غریبوں کا استحصال کرنے کا الزام لگاتے ہوئے کہا ہے کہ بحران کے وقت استحصال کرنا سود خوروں کا کام ہوتا ہے، حکومت کا نہیں۔

ریاست اترپردیش کے سابق وزیر اعلی اکھیلیش یادو نے کہا کہ ٹرین سے گھر واپس جانے والے غریب، بے بس مزدوروں سے پیسہ لیا جانا بے حد شرمناک ہے۔ اب تو اترپردیش میں آروگیہ سیتو ایپ سے بھی 100 روپے وصولنے کی خبر ہے۔

مسٹر یادو نے ٹوئٹ کرکے کہا کہ ’ٹرین سے واپس گھر لے جائے جا رہے غریب، بے بس مزدوروں سے بی جے پی حکومت کے پیسہ لیے جانے کی خبر بے حد شرمناک ہے، آج صاف ہوگیا کہ صنعت کاروں کا اربوں قرض معاف کرنے والی بی جے پی حکومت امیروں کے ساتھ ہے اور غریبوں کے خلاف۔ پریشانی کے وقت استحصال کرنا سود خوروں کا کام ہوتا ہے، حکومت کا نہیں‘۔

ریاست اترپردیش کے سابق وزیر اعلی اکھیلیش یادو

انہوں نے کہا کہ ’اب تو بی جے پی کے حامی بھی یہ سوچ رہے ہیں کہ اگر سماج کے سب سے غریب طبقے سے بھی گھر بھیجنے کے لیے حکومت کو پیسہ لینے تھے تو طرح طرح کے فنڈ میں جو کھربوں روپے تمام دباؤ اور جذباتی اپیل کرکے ڈلوایا گیا ہے اس کا کیا ہوگا؟ اب تو اترپردیش میں خواتین قرنطینہ سینٹر کی بدانتظامی کے خلاف بھوک ہڑتال پر بیٹھی ہیں۔

انہوں نے کہا کہ شکایت کرنے پر خواتین کو حکومت اور انتظامیہ کی دھمکیاں مل رہی ہیں۔ ایسے میں پھولوں کی بارش کا کیا مطلب ہے؟‘۔