یوگی کابینہ میں توسیع محض ایک دھوکہ: اکھلیش

اکھلیش یادو نےکہا، اترپردیش کی بی جےپی حکومت میں کابینہ میں توسیع ایک دھوکہ ہے۔ ساڑھے چار سال جن کا حق مارا آج ان کو نمائندگی دینے کا ناٹک کیا جارہا ہے۔ جب تک نئے وزراء کے ناموں کی پٹی کا رنگ سوکھے گا تب تک تو سال 2022 کے اسمبلی انتخابات کے لئے ضابطہ اخلاق نافذ ہوجائے گا۔

سماج وادی پارٹی(ایس پی)سربراہ اکھلیش یادو نے اترپردیش کی یوگی حکومت کی کابینی توسیع کو محض ایک دھوکہ قرار دیا ہے۔

یاو نے اتوار کو اپنے ٹوئٹ میں لکھا’ اترپردیش کی بی جےپی حکومت کی کابینہ میں توسیع بھی ایک دھوکہ ہے۔ ساڑھے چار سال جن کا حق مارا آج ان کو نمائندگی دینے کا ناٹک کیا جارہا ہے۔ جب تک نئے وزراء کے ناموں کی پٹی کا رنگ سوکھے گا تب تک تو سال 2022 کے اسمبلی انتخابات کے لئے ضابطہ اخلاق نافذ ہوجائے گا۔ بی جے پی کے ناٹک کے اختتام کا آغاز ہوگیا ہے۔

قابل ذکر ہے کہ وزیر اعلی یوگی آدتیہ ناتھ نے اتوار کو کابینہ میں توسیع کرتے ہوئے سات نئے چہروں کو شامل کیا ہے جس میں کانگریس سے بی جے پی میں آئے سابق مرکزی وزیر جتن پرساد کو کابینہ میں جگہ دی گئی ہے وہیں چھ دیگر کو مملکتی وزیر بنایا گیا ہے۔ جس میں دلت، او بی سی سماج کے چہروں کو شامل کیا گیا ہے۔

یواین آئی