پانچ ریاستوں میں ہوئے اسمبلی انتخابات کے نتائج کا اعلان ہوچکا ہے۔ اترپردیش میں بی جے پی نے شاندار جیت کے ساتھ ایک بار پھر اقتدار میں واپسی کی ہے۔ وہیں سماج وادی پارٹی کو گذشتہ کے مقابلے کچھ فائدہ ضرور ہوا ہے تاہم ایس پی حکومت سازی کے لیے اکثریت سے کافی دور رہی ہے۔ بی جے پی اتحاد نے 273 سیٹوں پر کامیابی درج کی ہے۔ بی جے پی کی اس لہر کے باوجود مغربی اترپردیش کے ضلع مرادآباد کی کل چھ سیٹوں میں سے بی جے پی کے کھاتے میں صرف ایک سیٹ آئی ہے اور باقی پانچوں سیٹوں پر سماج وادی پارٹی نے جیت درج کی ہے۔
مرادآباد دیہات اسمبلی سیٹ سے کامیاب امیدوار حاجی ناصر قریشی نے ای ٹی وی بھارت کے ساتھ بات چیت کرتے ہوئے اپنی جیت کو عوامی جیت بتایا ہے۔' Exclusive With Haji Nasir Qureshi
ایک سوال کے جواب میں انہوں نے کہاکہ' سنہ 2012 اور سنہ 2017 تک وہ بہوجن سماج پارٹی سے امیدوار تھے اور دنوں دفعہ تھوڑے فرق کے ساتھ الیکشن ہار گئے تھے۔ وہ کہتے ہیں کہ سنہ 2017 کے اسمبلی انتخابات کے بعد انہوں نے سماج وادی پارٹی میں شامل ہوئے اور اس بار اسمبلی انتخابات میں سماج وادی پارٹی کی ٹکٹ سے میدان میں تھے اور 50 ہزار سے زائد ووٹوں سے جیتنے میں کامیاب ہوئے۔
ایک سوال کے جواب میں حاجی ناصر قریشی نے کہاکہ' بھلے ہیں ریاست میں بی جے پی نے حکومت بنائی ہے، لیکن ہم عوام کے مطالبوں کو اسمبلی میں مضبوطی کے ساتھ اٹھائیں گے اور عوام کی آواز کو بلند کریں گے۔ ہم عوام کے خدمت گزار ہیں، ہمیں عوام کی خدمت کرنی ہے۔ عوام نے ہمارے اوپر بھروسہ کرکے ہمیں اپنا نمائندہ منتخب کیا ہے، ہم عوام کے بھروسے کو قائم رکھیں گے'.
مزید پڑھیں:
