Danish Azaad on Madrasas Survey مدرسہ سروے کی بنیاد پر کوئی کاروائی نہیں ہوگی، دانش آزاد

اترپردیش کے تمام 75 اضلاع میں مدرسہ سروے کا کام مکمل ہوچکا ہے۔ اب تک حکومت انتظامیہ کو سبھی اضلاع کے اعداد و شمار موصول ہوچکے ہیں جو 8496 غیر منظور شدہ مدرسوں کے سروے کا اعداد شمار ہے۔ ان سبھی مدارس کو حکومت نے مدرسہ پورٹل پر اپ لوڈ کا کرنے کی ہدایت دی ہے۔ حکومت کا دعوی ہے کہ بہتر طریقے سے سبھی پہلوؤں پر سروے کیا جاچکا ہے۔ طلبا و طالبات کو نئی تعلیمی پالیسی کے بارے میں بھی آگاہ کیا جائے گا۔ Interview With Danish Azaad On Madrasas Survey

لکھنئو: ریاست اتر پردیش کے اقلیتی فلاح حج اوقاف کے وزیر مملکت دانش آزاد انصاری نے نمائندہ ای ٹی وی بھارت سے بات چیت کے دوران کہا کہ حکومت کو اعداد و شمار حاصل ہوچکے ہیں اس کے بعد وزیر اعلی سے اس معاملے پر بات چیت ہوگی اور مستقبل میں طلبا و طالبات کو مین اسٹریم تعلیم سے کیسے جوڑا جائے اس پر تبادلہ خیال کیا جائے گا۔ دانش آزاد انصاری نے کہا کہ مدرسہ سروے سے کسی بھی طرح کی کوئی کاروائی نہیں ہوگی فقط اعداد وشمار حاصل کرنے کے لیے سروے کیا گیا ہے۔ کچھ مخالف لوگ مدارس کے ذمہ داران کو گمراہ کررہے تھے۔ Interview With Danish Azaad On Madrasas Survey

سوال: اتر پردیش کے مدرسہ تعلیمی بورڈ لکھنو سے امداد یافتہ مدارس کے طلبا و طالبات کو این سی ای آر ٹی کتابیں حکومت نہیں دے سکی ایسے میں غیر منظور شدہ مدارس کو کیسے فائدہ دے گی؟

اس پر دانش آزاد انصاری نے کہا کہ حالیہ دنوں میں طلبا و طالبات کے والدین کے اکاونٹ میں کتاب کے لیے رقم منتقل کردی گئی ہے بقیہ طلبا و طالبات کو اس سہولت سے جلد ہی فائدہ پہنچایا جائے گا۔

سوال: مدرسہ ای لرنگ ایپ ابھی تک گوگل پلے اسٹور پر موجود نہیں حالانکہ حکومت اسے بڑی حصولیابی شمار کرارہی ہے؟

انہوں نے کہا ہوسکتا ہے کچھ ٹیکنیکل پریشانی ہو جس کی وجہ سے پلے اسٹور پر نہیں لیکن جلد ہی وہ خامیاں دور کرلی جائیں گی۔

سوال: یوگی حکومت روزگار میلہ سے کیا اقلیتوں کا اعتماد حاصل کرسکے گی؟

اس سوال کے جوان میں انہوں نے کہا کہ یوگی آدتیہ ناتھ کی قیادت والی حکومت مثبت فکر کے ساتھ اقلیتوں کے فلاح کے اقدامات اٹھا رہی ہے پورے ریاست میں اقلیت نوجوانوں کے لیے روزگار میلہ لگایا جائے جس سے زیادہ سے زیادہ نوجوانوں کو روزگار سے وابستہ کیا جاسکے۔

سوال: حکومت سرکاری محکموں کے خالی عہدوں کو کیوں پر نہیں کرتی ہے نجی ملازمت کیوں دلانے پر زور دے رہی ہے؟

اس کے جواب میں انہوں نے کہا کہ حکومت نے صاف و شفاف طریقے سے نوجوانوں کو سرکاری ملازمت دی ہے اور اس پر مزید کام جاری ہے بڑی تعداد میں نوجوان روزگار سے جڑ رہے ہیں۔ Danish Azaad On Madrasas Survey