میرٹھ:اترپردیش اسمبلی انتخابات اپنے آخری مراحل میں پہنچ چکی ہے۔ آخری مرحلے کے لیے 7 مارچ کو ووٹنگ ہونی ہے اور 10 مارچ کو ووٹوں کی گنتی ہونی ہے۔ تاہم اس سے قبل میرٹھ کے اسٹرانگ روم میں رکھے ای وی ایم مشین کی حفاظت پر سوالات اٹھ رہے ہیں۔ EVM Strong Room Power Cut In Meerut
واضح رہے کہ' میرٹھ میں ووٹنگ کے بعد ای وی ایم مشینز کو میرٹھ کی لوہیا نگر سبزی منڈی اور سردار وللبھ بھائی پٹیل کرشی یونی ورسٹی میں رکھا گیا ہے۔ اسٹرانگ روم کی حفاظت کے لیے جہاں پولیس اور انتظامیہ کی طرف سے افسران کی ڈیوٹی لگائی گئی ہے وہیں اسٹرانگ روم کے اندر بھی سی سی ٹی وی کیمروں کی مدد سے خاص نگرانی کی جا رہی ہے۔
اسی درمیان حفاظتی انتظامات پر سوال اٹھ رہے ہیں۔ بتایا جارہا ہے کہ اسٹرانگ روم میں گزشتہ روز بجلی کی پاور سپلائی کٹ ہونے کا معاملہ سامنے آیا ہے۔ جس کی وجہ سے اسٹرانگ روم کے باہر ڈیوٹی کر رہے پولیس اہلکاروں کے علاوہ امیدواروں کے نمائندوں میں بے چینی پائی گئی کیونکہ بجلی نہ ہونے سے قریب 30 سے 40 منٹ کیمرے بند رہے جس پر اب سوالات اٹھ رہے ہیں۔ EVM Strong Room Power Cut In Meerut
امیدواروں کے نمائندے اس سلسلے میں الیکشن کمیشن اور ضلع انتظامیہ کی لاپرواہی بتا رہے ہیں اور ای وی ایم کے ساتھ چھیڑ چھاڑ کا خدشہ بھی ظاہر کر رہے ہیں۔ ان کا کہنا ہے جس طرح سے دیگر اضلاع سے اسٹرانگ روم کی حفاظت میں چوک کے معاملے سامنے آئے ہیں اس سے یہی لگتا ہے کہ یہاں پر بھی ای وی ایم کے ساتھ چھیڑ چھاڑ ہو سکتی ہے۔'