ریاست اترپردیش میں ہوئے پارلیمانی انتخابات میں بہتر کام کرنے والے کارکنان کو اعزاز سے نوزا گیا۔ اس موقع پر کابینہ وزیر راجیندر پرتاپ سنگھ نےکارکنان کی حوصلہ افزائی کی۔
ضلع بارہ بنکی کے ایک ہوٹل میں ہوئی اس تقریب میں ضلع کے تمام چار بی جے پی رکن اسمبلی کو بھی اعزاز سے سرفراز کیا گیا۔
تقریب میں مہمان خصوصی وزیر محکمہ دیہی ترقیات راجیندر پرتاپ سنگھ عرف موتی سنگھ نے تمام عہدداران کو اعزاز سے نوازا۔ انہوں نے اس موقع پر کارکنان کی حوصلہ افزائی کی اور ان کے درد کو بھی بیان کیا۔ انہوں نے کارکنان کو سب سے اوپر بتایا اور کہا کہ کارکنان ہی رہنما بناتے ہیں۔
تقریب میں تنظیم کے عہدے سے ہٹائے گئے کارکنان کی ناراضگی کی تشویش بھی ظاہر کی گئی اور ان کی اہمیت بتا کر ان کی ناراضگی کو دور کرنے کی بات بھی کہی گئی۔
قابل ذکر ہے کہ بارہ بنکی میں بی جے پی کی نئی کمیٹی تشکیل کی گئی ہے۔ اس کمیٹی میں ضلع صدر اودھیش شریواستو کو دوبارہ ضلع صدر منتخب کیا گیا ہے۔