علیگڑھ:اے ایم یو میں تعلیم حاصل کرنے کے خواہش مند طلباء سال بھر تیاری کر کے داخلہ امتحانات میں کامیابی حاصل کرنے کی کوشش کرتے ہیں۔ اے ایم یو اپنے اسکولز میں داخلہ کے لیے پہلی، چھٹی اور نویں جماعت کے داخلے امتحانات کرواتی ہیں جس میں ملک بھر سے ہزاروں طلبا شرکت کرتے ہیں اور اسی سلسلے میں آج صبح دس بجے سے بارہ بجے تک تعلیمی سال 2022-23 کے لیے نویں جماعت کے داخلے کے لیے داخلہ امتحان 22 امتحانی مراکز پر منعقد کیے گئے۔ اے ایم یو کے مختلف اسکولز میں نویں جماعت میں داخلہ کے لیے تقریباً 12306 درخواستیں موصول ہوئی تھی۔
اے ایم یو کیمپس میں ویمنس کالج، فیکلٹی آف آرٹس، انجینئرنگ کالج، یونیورسٹی پالی ٹیکنک(بوائز)، ایس ٹی ایس اسکول، آر ایم پی ایس اے ایم یو سٹی اسکول، اے ایم یو گرلس اسکول، سید حامد سینیئر سیکنڈری اسکول، سول انجینئرنگ شعبہ، شعبہ ریاضی، کامرس شعبہ، شعبہ طبیعیات، سینیئر سیکنڈری اسکول گرلس، شعبہ جغرافیہ، شعبہ جیولوجی، شعبہ زولوجی، شعبہ نباتیات، اے ایم یو اے بی کے ہائی اسکول (قدیم و جدید عمارت)، شعبہ شماریات، اے ایم یو اے بی کے ہائی اسکول (بوائز) اور یونیورسٹی پالی ٹیکنک (گرلز) کے مراکز پر یہ داخلہ امتحان منعقد کیے گئے جس میں سب سے بڑا مرکز اے ایم یو گلس اسکول تھا جس میں تقریبا بارہ سو بچوں نے امتحان دیئے۔