ضلعی صدر کا انتخاب بی جے پی کے لیے سردرد

اترپردیش میں بی جے پی ضلع صدر کے انتخاب کا عمل شروع ہو چکا ہے جبکہ ضلع بارہ بنکی میں گزشتہ روز امیدواروں کا پرچۂ نامزدگی داخل کرنے کا کام تکمیل کو پہنچا ہے۔

ضلع بارہ بنکی میں نئے ضلعی بی جے پی صدر کا انتخاب اعلیٰ کمان کے لیے آسان ثابت نہیں ہوگا کیونکہ بی جے پی کے ضلع صدر کے لیے 15 امیدواروں نے اپنا پرچۂ نامزدگی داخل کیا ہے۔

بارہ بنکی کے بی جے پی دفتر میں الیکشن انچارج و رکن اسمبلی کرن سنگھ پٹیل گزشتہ روز دن بھر اسی کام میں الجھے رہے۔ ان 15 امیدواروں کو یہاں کے 49 ڈویژنل انچارج حق رائے دہی کریں گے۔

ذرائع کے مطابق پارٹی ووٹنگ کی حامی نہیں ہے وہ آپسی رائے اور مشورہ سے ضلع صدر کے انتخاب کا مسلہ حل کرنا چاہتی ہے۔

حالانکہ ضلع میں بی جے پی کے ضلعی صدر بننے کے لیے 15 امیدواروں کے میدان میں آنے سے پارٹی کے ماتھے پر شکن ضرور ہے، لیکن وہ اسے چیلینج یہ پریشانی ماننے کو تیار نہیں ہے اب دیکھنا دلچسپ ہوگا کہ کیسے اور کون بی جے پی کا ضلع صدر منتخب کیا جاتا ہے۔