UP Assembly Election 2022: بزرگ اور بیمار افراد کے لیے پوسٹل بیلیٹ پیپر سے ووٹنگ کی سہولت

ضلع بارہ بنکی میں 27 فروری کو ہونے والے اسمبلی انتخابات سے قبل الیکشن کمیشن کی جانب سے بزرگ اور بیمار افراد کے لئے پوسٹل بیلیٹ پیپر Postal Ballots in UP Assembly Elections for Covid patients سے حق رائے دہی کی سہولت فراہم کی گئی ہے۔

ریاست اتر پردیش میں اسمبلی انتخابات کے تحت سرگرمیاں جاری ہیں۔ تمام تر سیاسی جماعتیں جوڑتوڑ کی سیاست میں مصروف ہیں۔

ریاست کےضلع بارہ بنکی میں 27 فروری کو ہونے والے اسمبلی انتخابات سے قبل الیکشن کمیشن کی جانب سے بزرگ اور بیمار افراد کے لئے پوسٹل بیلیٹ پیپر سے حق رائےدہی کی سہولت Postal Ballot Facility for Sr. Citizen فراہم کی گئی ہے۔ پوسٹل بیلیٹ پیپر سے حق رائے دہی کا عمل 27 فروری سے قبل مکمل کرا لیا جائے گا۔

واضح رہے کہ ضلع بارہ بنکی کی 6 اسمبلی نشست میں کل 39675 حق رائے دہندگان ایسے ہیں جو 80 برس سے زیادہ کے ہیں۔ جب کہ 18935 ووٹرس بیمار ہیں۔

ایسے حق رائے دہندگان آسانی سے اور زیادہ سے زیادہ حق رائے دہی کے عمل میں شامل ہو سکیں اس کے لئے وہ پوسٹل بیلیٹ پیپر سے اپنی حق رائے دہی کر سکیں گے۔

اس کے لئے تمام جماعتوں کے ایجینٹ بیمار اور بزرگوں سے رابطہ کریں گے۔ اگر وہ راضی ہوجاتے ہیں تو پھر وہ ڈاک بیلیٹ پیپر سے ووٹ ڈال سکیں گے۔

یہ تمام عمل ووٹنگ سے قبل یعنی 27 فروری سے قبل مکمل کر لیا جائے گا۔ وہی بیمار افراد اس سہولت کا فائدہ اٹھائینگے جن کے پاس ڈاکٹر کا نسخہ ہوگا۔