شیعہ مسلمانوں کے یہاں عید غدیر کی بڑی اہمیت ہے۔ اسی پس منظر میں ملک بھر میں اس تہوار کو عقیدت کے ساتھ منایا گیا۔
لکھنؤ میں بڑی تعداد میں شیعہ مسلمان رہتے ہیں۔ یہی وجہ ہے کہ یہاں اس کا اہتمام کیا جاتا رہا ہے اور اس بار بھی یہاں پوری عقیدت کے ساتھ عید غدیر منائی گئی۔
لکھنؤ کے چھوٹے امام باڑہ میں بعد نماز ظہر محفل منعقد کی گئی، جس میں ممتاز عالم دین نے خطاب کیا۔
اس کے بعد عقیدت مندوں کو عید غدیر کی اہمیت بتائی گئی۔ ساتھ ہی نمائش بھی لگائی گئی تاکہ چھوٹے بڑے، مرد و عورت سبھی عید غدیر کی اہمیت سمجھ سکیں اور دوسروں تک اسے پہنچا سکیں۔
مولانا احسن ناصر نے ای ٹی وی بھارت سے بتایا کہ میدان غدیر میں نبی کریم صلی اللہ تعالی علیہ وسلم نے حضرت علی رضی اللہ تعالی عنہ کو اپنا جانشین مقرر کیا تھا۔
انہوں نے بتایا اس کے علاوہ اس دن کے روزے رکھنے والے کو جب سے دنیا قائم ہوئی ہے اور جب تک قائم رہے گی اس کے برابر ثواب ملتا ہے۔