ریاست اترپردیش ضلع علی گڑھ کے شہر مفتی محمد خالد حمید نے اپیل کی ہے کہ عید سادگی کے ساتھ منائیں۔
شہر مفتی محمد خالد حمید نے ایک خط جاری کرکے عوام سے اپیل کی ہے ۔
رمضان کا پاک مہینہ رخصت ہونے کو ہے، افسوس کہ اس سال ہم رمضان کی رونقوں کو ترس گئے اور اب عید آنے والی ہے۔
کورونا کی بیماری نے ہم کو ہی نہیں بلکہ پوری دنیا کو ہلا کر رکھ دیاہے۔ جب تک ایسی صورت حال ہے ہم کو ایک ذمہ دار شہری کی طرح ہر پابندی پر عمل کرنا ہے۔
عید کی اصلی خوشیاں اس وقت ملیں گی جب ہم اپنے غریب اور پریشان حال بھائیوں کا خیال رکھیں گے، عید سادگی سے منائیں اور پریشان و لاچار لوگوں کی مدد کریں، یہی آپ کی عید ہوگی۔
اللہ اس بیماری سے ہم سب کو اور پورے ملک کو اپنی پناہ میں رکھے آمین۔