علیگڑھ انتظامیہ کی جانب سے عیدالاضحیٰ کے بہتر انتظامات

ریاست اتر پردیش کے ضلع علیگڑھ میں انتظامیہ کی جانب سے عید الاضحیٰ کے موقع پر شاہجمال عید گاہ میں بہتر انتظامات کئے گئے ہیں۔

شاہجمال عیدگاہ میں عیدالاضحی کی نماز کل صبح سات بجے ادا کی جائے گی۔

علیگڑھ انتظامیہ کی جانب سے سبھی عیدگاہوں اور مساجد میں جہاں عید کی نماز ادا کی جاتی ہے صاف صفائی اور سیکوریٹی کے پختہ انتظامات کئے گئے ہیں۔

واضح رہے کہ کچھ روز پہلے علیگڑھ ڈی ایم جناب چند بھوشن نے یہ اعلان کیا تھا کہ سڑک پر کوئی بھی مذہبی (نماز، ہنومان چالیسہ، آرتی وغیرہ) بنا اجازت کے نہیں ہوگی، صرف روایتی مذہبی تہوار سڑک پر کیے جا سکتے ہیں۔ اسی کے مطابق آخری دو جمعہ کی نماز علیگڑھ شہر کی کسی بھی مسجد کے بہار سڑک پر نہیں ادا کی گئی جس کا اعلان شہر مفتی اور علیگڑھ انتظامیہ نے کیا تھا۔کونسلر مشرف حسین نے عید الاضحی کے موقع پر عوام کو عید کی مبارکباد پیش کرتے ہوئے علیگڑھ انتظامیہ کی تعریف کی اور بہتر انتظامات کے لیے شکریہ ادا کیا۔